رواية إنتقام مقنع بقلم آيات عبدالرحمن
كنت قاعده في بيتنا وبقلب في التليفزيون بملل لقيت تليفوني رن وكان المتصل ابن عمي رديت عليه لكن فاجأني بكلماته جدا لما قال ان نظفي البيت والدك راجع من الحج النهارده إستغربت جدا ازاي وهو بقاله يومين بس مسافر للحج دا رايح الحج الكبير مش رايح عمره كمان هما كلموني وقالوا ليا ان هو بيكون كويس واول مابيدخل عند الكعبه مش بيشوف حاجه خالص قدامه
مش عارف دا اللي قالوه ليا وقفل قومت وانا تقريبا الفضول واخدني جدا اعرف السبب ازاي يحصل مع بابا كدا اومال لو ماكانش بيصلي وبيطلع الذكاه كان اي اللي حصل سكتت مره واحده لما فكرت ان بابا ممكن يكون بيعمل حاجات تغ.ضب ربنا لا لا استغفر الله العظيم
خلصت ترتيب البيت ونزلت اشتري كام حاجه محتاجاهم وانا راجعه حسيت بحد متبع خطواتي لفيت كان في فعلا حد متا.بعني وحط منديل علي صوتي ماحسيتش بالدنيا بعدها
فوقت مش عارفه بعد أد ايه كدا لقيتني في عربيه والعربيه بتتحرك وانا لوحدي فيها وبيني وبين الأرض مسافه طويله اوي العربيه كانت علي تل عالي ومع كل حركه مني العربيه بتقع بيا اكتر
العربيه كانت خلاص علي حافة التل وهتقع وانا فيها وفي وسط صرا.خي لمحت في مرآة العربيه واحد واقف ولابس قناع علي وشه وكإنه كان مستني إشاره ان افوق
ماكنتش بعمل اي حاجه غير اني ركزت مع القناع اللي هو لابسه مفيش غير عيونه اللي ظاهره وكان لابس ملابسه كلها سوداء
فضل يحرك رأسه كإنه بيتأمل ملامحي كنت بحاول اكون حريصه اكتر علي الحركه دموعي كانت بتترجاه ينقذني
لكن كان واضح عليه جدا من حركة رأسه ونظراته ان المو.ته من علي التل أسهل من المو.ته علي ايديه
في قوه خط.يره سحب العربيه بكل سهوله حسيت اني كدا كدا منتهيه واكيد مش هخرج من ايديه عا.يشه فتح باب العربيه وسحبني منها كإنه ساحب قطه
كان لازم ادافع عن نفسي ومفيش طريقه غير اني اضر.به بحاجه علي رأسه لكن مفيش حاجه حوالينا
هو انت مين وليه عملت فيا كدا وعشان ايه وليه لابس القناع ده
وقف مره واحده وبص ليا بنظره قطعت كل اسئلتي وبحركه من رأسه لرأسي فقدت الوعي في وقتها
وضحيت لقيتني نايمه علي سرير في اوضه شكلها غريب وكإن حد كان بيتعذ.ب فيها كل أدوات تعذ.يب مخيفه ومفيش فيها شباك مفيش غير الباب بس اللي اكيد دخلنا منه قومت وحاولت افتح الباب
لكن كان مقفول فضلت اخبط وانادي اي حد يساعدني اخرج لكن مفيش حد كان موجود وكإني بنادي في الصحراء بعد كام دقيقه من يأسي الباب اتفتح كان نفس الشخص بقناعه الإسود ولبسه الأسود واقف قدامي ونفس نظراته
انت مين
سألته أكتر من مره لكن كان واقف زي التمثال ومابيردش خالص قرب كام خطوه
لا مش تضر.بني تاني انا لسه عندي صداع من الضر.به الأولي
بص ليا بقر.ف وحط كيس علي السرير وشاور عليه
وسابني وخرج
فتحت الكيس وكان فيه اكل كان في ورقه كمان مكتوب فيها كُلي لسه الطريق طويل
طريق اي اللي طويل يعني ماكانش قادر يتكلم يعني بس خطه شكله حلو اوي
فضلت قاعده مكاني من غير اكل لحد ما دخل الليل وانا بفكر انا بعمل اي هنا
ومين الشخص دا وليه مش بيتكلم هو اخرس يعني لكن قطع تفكيري دخوله بص علي السرير كان الآكل زي ماهو بص ليه وبعدين ليا ودخل اخده ومشي وسابني لتاني يوم من غير اكل
