رواية زواج مصلحة

اتصلت بيه واخبرتة باني موافقة… وكان في قمة سعادتة.. لكن طلب طلبين اغرب من ب.. الاول ان زواجنا هيكون عرفي ومكتوب فيه شرط زواج مؤقت لمدة ثلاثين يوم وفي المقابل انه وهيكتب ليا شيك بمبلغ200الف جنية..

والطلب الثاني وهو اني اذهب للفيلا الخاصة بزوجتة.. واقول باني جاية تبع الاعلان الي كانوا ناشرينة في احدي الصحف..وليطلبوا فيه عاملات نظافة..

فهمت من طلبة ده.. انه عايز يبعد عن الصورة تماما ودخولي للفيلا يبقي هو متفاجاء بيه وملوش اي بشغلي بالفيلا لا من قريب ولا من بعيد..
المهم وافقت علي طلبة وتزوجنا بالفعل..واخذت النسخة الخاصة بي من عقد الزواج العرفي والشيك الذي كتبة لي.. ووضعتهما في حقيبة يدي امامة..
وتاني يوم عملت الي هو قالي علية

بدء البواب يعرفه بيا قبل ان يتركني ويعود لمكانه علي باب الفيلا الخارجي

قال البواب.. دي جاية يا فن تبع الاعلان الي كانت الهانم عملاة لطلب عاملة ومساعدة لام ابراهيم

نظر الي ذلك الشاب واشار بيدية لادخل
قال.. اتفضلي
قلت.. شكرا ثم دخلت وجلست في المكان الذي اشار اليه وهو يقول اتفضلي مره اخري..ثم تركني وغاب داخل الفيلا بعا قال لي.. لحظة واحدة

بصراحة..انا مبقتش فاهمه حاجة.. هو مش ايمن بيه قالي ان مفيش حد في الفيلا غير زوجتة المريضة واتنين شغالين فقط؟

امال مين الاخ الي فتح الباب ده؟
وبعدين ايمن بيه كان بيقول ان زوجتة مريضة مرض شديد ومش حاسة بالدنيا.. طيب ازاي واحده في مرضها وحالتها دي تعمل اعلان في الجريدة لطلب شغالة؟
بصراحة بدات اقلق..بس نويت ابقي حذرة واشوف انا فين بالظبط وايه الموضوع الغريب ده؟

بعد شوية لقيت الشاب الاسمر الوسيم رجع تاني.. وهو مبتسم
قال.. معلش عشر دقايق عشان الدكتور عند امي فوق

قلت.. هو حضرتك ابن صاحبة الفيلا؟

قال.. ايوه
وبدء يسألني شوية اسألة خاصة بالشغل

قال.. انتي اسمك ايه

وبعد ان القي نظرة علي بطاقتي الشخصية.. اعادها الي وهو يقول..ان شاء الله هتبقي مبسوطة معانا يا سهر
قلت.. ان شاء الله
بعد شوية ظهرت امراة تاتي من الداخل كان من الواضح انها ام ابراهيم التي ذكرها البواب منذ قليل لان كان واضح بانها تعمل في الفيلا وعنا حضرت..طلب منها ذلك الشاب ان تاتي لي بشئ لاشربة
قال.. شوفي سهر تحب تشرب ايه؟
قلت.. شكرا مفيش داعي