خرجت من بيتنا بعد نص الليل في عز البرد
يعني انا بكدب ؟
لا العفو..بعدها مسكني من ايدي
ورجعنا قدام الكشك وقالي وهو بيشاور
دي صورة امي الحاجه الله يرحمها
ماتت من سبع سنين
ايه ماتت ؟
الله يخرب بيت الاستروكس ع اللي بيبعوه
بلعت ريقي بصعوبه وانا بقوله
بس انا واثق أنها
دا لسه بيجادل..طب اتفضل بقى من هنا
عشان معملهاش معاك
سيبته ومشيت ولفيت من ورا الكشك تاني
وذهلت أما لقيتها نايمه مكانها وبتقولي
فين يا بني الأكل ؟
قلبي كان هيقف من الخضة وانا مش عارف اقولها ايه
مالك واقف مبلم ؟
اصل الل.. انا... اصل هو
هو..ماله مرضيش يديك لما عرف أنه ليا ؟
ربنا يهديه ويسامحه
سبتها ورجعت تاني قدام الكشك
لقيته اتقفل وقفت محتار..خبطت ع الباب كذا مره
ومفيش رد..لكن لقيت في تراب على أيدي من الخشب
وكأن الكشك مهجور وحتى شكله اتغير
وبعدها جت عربيه ربع سواقها وقف جنبي وسألني
خير حضرتك واقف هنا ليه ؟
انا كنت جاي عايز حاجه من هنا ؟
ايوه بس الكشك دا صاحبه م١ت من مده ومن ساعتها وهو مهجور
م١ت ؟ اومال انا كنت بكل..
مالك سكت ليه ؟ انت محتاج حاجه
ايوه ياريت توصلني لأقرب صيدليه انا لسه ساكن جديد هنا
ركبت معاه ووصلني وبعدها رجعني للبيت
طلعت فلوس..رفض وقال عيب الناس لبعضيها
الف سلامه للجماعه
طلعت لمراتي اديتها العلاج وفضلت جنبها
يتبع
لحد ما هديت وحرارتها نزلت ونامت
روحت المطبخ عشان اشرب
سمعت صوت ميه بتنقط ف الحمام
شربت ودخلت الحمام لقيت حنفيه بتنقط قفلتها
غسلت وشي ع الحوض..وسمعت صوت وقف قلبي
يابني فين الاكل انا جعانه
رفعت راسي ببص للمرايا لقيتها واقفه في ضهري
التفت لورا لقيتها اختفت وصوت صداها بيرن ف ودني
وهي بتقول هفضل مستنياك
هناك...عند الكشك !
تمت
